gossip lanka news line gossip lanka news line
gossip lanka gossip lanka gossip lanka gossip lanka

ගානියා ඇතුලාන්තයේ තිබුණු කුමන්ත්‍රණය හෙළිවෙයි - ඇත්ත කතාව මෙන්න

ස්විස් තානාපති කාර්යාල නිලධාරිනි ගානියා මහත්මියගේ සිද්ධියත් සමඟ ශ්‍රී ලංකා රජය හා ස්විට්සර්ලන්තය අතර යම්කිසි ගැටුමක් ඇති කිරීමට විපක්ෂයේ දේශපාලනඥයන් පිරිසක් සහ ඇතැම් රාජ්‍ය නොවන සංවිධානවල නියෝජිතයන් ගනු ලැබූ උත්සාහය අසාර්ථක වී තිබෙන බවත් මේ වන විට ශ්‍රී ලංකාව හා ස්විට්සර්ලන්තය ඉතා හොඳ අවබෝධයකින් හා සුහදතාවකින් කටයුතු කරන බවත්, විදේශ සබඳතා නිපුණතා සංවර්ධන රැකී රක්ෂා හා කම්කරු සබඳතා අමාත්‍ය දිනේෂ් ගුණවර්ධන මහතා ප්‍රකාශ කළේය.

ගානියා මහත්මියට අධිකරණයෙන් ඇප නියමවීමෙන් අනතුරුව ශ්‍රී ලංකාවේ වැඩබලන ස්විට්සර්ලන්ත තානාපතිවරයා පැමිණ විදේශ කටයුතු අමාත්‍යාංශයේ ලේකම්වරයා මුණගැසී තිබෙන බවත් අමාත්‍ය දිනේෂ් ගුණවර්ධන මහතා සඳහන් කරයි.

ගානියා මහත්මිය ශ්‍රී ලංකාවේ පුරවැසියකු වන නිසා ඇය සමබන්ධයෙන් මෙරට අපරාධ නීතිය යටතේ පරීක්ෂණ සිදුකර අවශ්‍ය අධිකරණමය ක්‍රියාමාර්ග ගනු ලබන බවත් ඒ ගැන තමන් ස්විට්සර්ලන්තයට දැනුම්දුන් විට ස්විට්සර්ලන්තය විසින් ඒ බව පිළිගෙන එම නීතිමය කටයුතුවලට අවශ්‍ය සහයෝගය ලබාදෙමින් කටයුතු කරන බවත් අමාත්‍ය දිනේෂ් ගුණවර්ධන මහතා පැවැසීය.

ගානියා මහත්මියගේ පරස්පර ප්‍රකාශ නිසා පැහැරගත්තේ යැයි කියනු ලබන ප්‍රකාශය සත්‍යයෙන් තොර බව ඕනෑම කෙනකුට මේ වන විට පැහැදිලි වන බවත් අමාත්‍ය දිනේෂ් ගුණවර්ධන මහතා ප්‍රකාශ කරයි.

කෙසේ නමුත් මෙම සිද්ධිය හරහා ශ්‍රී ලංකා රජය අපකීර්තියට පත්කරමින් දේශපාලන වාසි ලබාගැනීමට පිරිසක් දැඩි උනන්දුවකින් කටයුතු කළද නීතිය ඉදිරියේ දිග හැරුණු කරුණු අනුව එසේ වාසි ලබාගැනීමට සූදානමින් සිටි පිරිස්වල බලාපොරොත්තද සුන් වී ගොස් තිබෙන බවද දිනේෂ් ගුණවර්ධන අමාත්‍යවරයා වැඩිදුරටත් ප්‍රකාශ කළේය.

මව්බිම


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka