gossip lanka news line gossip lanka news line
gossip lanka gossip lanka gossip lanka gossip lanka gossip lanka

“ත්‍රිපිටකාභිවන්දනා” සතිය අදින් ඇරඹේ - බෞද්ධ ධජය ප්‍රදර්ශනය කරන්නැයි ඉල්ලීමක්

ශ්‍රී ලාංකික භික්ෂු පරම්පරාවේ උත්කෘෂ්ට දායකත්වයෙන්, රැකගෙන ආ නිර්මල බුද්ධ වචනය අන්තර්ගත වූ ථෙරවාද ත්‍රිපිටකය ලෝක උරුමයක් බවට පත් කිරීමේ යෝජනාව නිමිත්තෙන් අද (මාර්තු 16) සිට මාර්තු 23 වන දින දක්වා වන සතිය “ත්‍රිපිටකාභිවන්දනා” සතිය ලෙස ප්‍රකාශයට පත් කර තිබේ.
ථෙරවාද ත්‍රිපිටකය ලෝක උරුමයක් ලෙස ප්‍රකාශයට පත් කරන ලෙසට යුනෙස්කෝ සංවිධානය වෙත සියලු බෞද්ධ රටවල සහයෝගයෙන් ශ්‍රී ලංකාව ඉදිරිපත්කරන යෝජනාව ප්‍රකාශයට පත් කිරීමේ ජාතික මහෝත්සවය ත්‍රෛනිකායික මහා නායක හිමිවරුන් ප්‍රමුඛ මහා සංඝරත්නයේ ප්‍රධානත්වයෙන් ජනාධිපති මෛත්‍රීපාල සිරිසේන මහතාගේ සහභාගිත්වයෙන් මාර්තු 23 වනදා ඓතිහාසික දළදා මාලිගාවේ මහමළුවේ දී සිදු කෙරේ.

ථෙරවාද ත්‍රිපිටකය ශ්‍රී ලංකාවේ ජාතික උරුමයක් බවට පත් කිරීම ජනාධිපති මෛත්‍රීපාල සිරිසේන මහතාගේ මඟපෙන්වීමෙන් පසුගියදා ඓතිහාසික මාතලේ අලුවිහාර පුදබිමේ දී සිදු විය. මහඟු ත්‍රිපිටක ධර්ම දායාදය ශ්‍රී ලංකාවේ ජාතික උරුමයක් බවට පත්කිරීමෙන් නොනැවති එය ලෝක උරුමයක් බවට පත් කර සංරක්ෂණය කරවීමට ජනාධිපතිවරයා ගත් පියවර සමස්ත මහා සංඝරත්නය ඇතුළු සියලු ලෝක බෞද්ධ ජතාවගේ පැසසුමට ලක්ව තිබේ.

ජනාධිපති කාර්යාලය, බුද්ධ ශාසන අමාත්‍යාංශය සහ නිවාස, ඉදිකිරීම් සහ සංස්කෘතික කටයුතු අමාත්‍යාංශය සෙසු අමාත්‍යාංශ සමග ඒකාබද්ධව “ත්‍රිපිටකාභිවන්දනා” සතිය පුරාවට ආගමික වැඩසටහන් රැසක් උත්කර්ෂවත් අන්දමින් සංවිධානය කර තිබෙන අතර එම සතිය තුළ රාජ්‍ය ආයතන, පෞද්ගලික ආයතන සියලුම නිවාසවල, රථ වාහන සහ මංමාවත්වල බෞද්ධ කොඩි ප්‍රදර්ශනය කරන මෙන් සියලුම ජනතාවගෙන් ඉල්ලීමක් කෙරේ.

“ත්‍රිපිටකාභිවන්දනා” සතිය තුළ ප.ව 6.00 සිට 6.15 දක්වා දීප ව්‍යාප්තව විහාරස්ථානවල ශබ්ද පූජා පැවැත් වේ. මේ අතර “ත්‍රිපිටකාභිවන්දනා” සතියට සමගාමීව සර්වඥ ධාතු ප්‍රදර්ශන ද දිවයින පුරා ස්ථාන කිහිපයක දී සංවිධාන කර ඇත.

“ත්‍රිපිටකාභිවන්දනා” සතිය ආරම්භ කෙරෙන මාර්තු 16 වනදා පොලිස් වසම් මට්ටමින් දීප ව්‍යාප්තව පිණ්ඩපාත දානමය පිංකම් හා විදේශයන්හි ශ්‍රී ලාංකික විහාරස්ථාන පදනම් කරගෙන විවිධ ආගමික වැඩසටහන් සංවිධාන කර තිබේ.

මාර්තු 17 වන ඉරිදා දහම් පාසල් ගොඩනැගිලි නොමැතිව ගස් යට දහම් අධ්‍යාපනය ලබන දූ දරුවන් වෙනුවෙන් තෝරාගනු ලැබූ විහාරස්ථාන 226 ක දහම් පාසල් ශාලා ඉදිකිරීමේ වැඩසටහනක් ආරම්භ කිරීමට නියමිත අතර මෙම සියලු ඉදිකිරීම් මාස 03 කින් අවසන් කර සිසු අයිතියට පවරාදීමට නියමිතය. මාර්තු 18 වන සඳුදා දීප ව්‍යාප්තව පාසල් හා පිරිවෙන් පදනම් කරගත් ආගමික වැඩසටහන් පැවැත්වෙන අතර මාර්තු 19 වන අඟහරුවාදා රාජ්‍ය නොවන අංශයේ ආයතන පදනම් කරගෙන විවිධ වැඩසටහන් සංවිධානය කර තිබේ.

මාර්තු 20වන බදදා පොහෝ දින “ජනපති සදහම් යාත්‍රා” වැඩසටහන පැවැත්වෙන අතර එදින දිවයින පුරා විහාරස්ථානවල ත්‍රිපිටක ධර්ම දායාදය පිළිබඳ ජනතාව දැනුවත් කරමින් ධර්ම දේශනා පැවැත්වීමට කටයුතු සූදානම් කර ඇත.

මාර්තු 21 වන බ්‍රහස්පතින්දා ජනාධිපති කාර්යාලය සහ සියලුම ආණ්ඩුකාර කාර්යල එක්ව දානමය වැඩසටහන් සංවිධානය කර තිබෙන අතර, මාර්තු 22 වන සිකුරාදා සියලුම රාජ්‍ය ආයතනවල දානමය පුණ්‍ය කර්ම ඇතුළු විවිධ ආගමික වැඩසටහන් සංවිධානය කර ඇත.මාර්තු 23 වන සෙනසුරාදා ඓතිහාසික දළදා මාළිගා පරිශ්‍රයේ පැවැත්වෙන ජාතික මහෝත්සවයෙන් අනතුරුව “ත්‍රිපිටකාභිවන්දනා” සතිය නිමාවට පත් කෙරේ.


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka