gossip lanka news line gossip lanka news line
gossip lanka gossip lanka gossip lanka gossip lanka

ජනාධිපති අපේ පැත්තේ කොච්චකල් ඉඳියිද අපි දන්නෙ නෑ - වෙල්ගම

ජනාධිපති මෛත්‍රීපාල සිරිසේන මහතා කොතෙක් කල් තම පාර්ශ්වය සමඟ කටයුතු කරයිදැයි තමන් නොදන්නා නමුත් ඒකාබද්ධ විපක්ෂය ලෙස තම කණ්ඩායම ආණ්ඩු විරෝධීව සිටින බව එක්සත් ජනතා නිදහස් සන්ධාන පාර්ලිමේන්තු මන්ත්‍රී කුමාර වෙල්ගම මහතා පවසයි.
ඒ මහතා මේ බව පැවසුවේ ඊයේ (07) ජනාධිපතිවරයාගේ ප්‍රධානත්වයෙන් පාර්ලිමේන්තු සංකීර්ණයේදී පැවති එජනිස මන්ත්‍රී කණ්ඩායම් රැස්වීමෙන් අනතුරුව මාධ්‍යවේදී නැඟූ ප්‍රශ්නවලට පිළිතුරු දෙමිනි.

ඉදිරියේදී කුමන සන්ධානයක් බිහි වුණත් එහි නායකයා මහින්ද රාජපක්ෂ මහතා විය යුතු බව කුමාර වෙල්ගම මහතා අවධාරණය කළේය. එම සන්ධානයේ ජනාධිපතිවරයාගේ භූමිකාව කුමක් විය යුතුදැයි තමන් නොදන්නා මුත් ජනතාව ආකර්ෂණය කරගැනීමේ හැකියාව ඇත්තේ මහින්ද රාජපක්ෂ මහතාට බවයි ඒ මහතා පෙන්වා දුන්නේ.

එසේම චන්ද්‍රිකා බණ්ඩාරනායක මහත්මිය ශ්‍රීලනිපයට කරන බලපෑම සම්බන්ධයෙන් ඊයේ දිනයේදී කිසිවක් සාකච්ඡා නොවුණු බව පැවසූ ඒ මහතා චන්ද්‍රිකා මහත්මියගේ නමක් හෝ සඳහන් නොවුණු බව ද ප්‍රකාශ කළේය.

ජනාධිපතිවරයා සහ මහින්ද රාජපක්ෂ මහතා එක්ව සන්ධානයක් ගොඩනැඟීමට යෝජනා වී ඇති බැවින් එය ඉදිරියට ක්‍රියාත්මක වනු ඇති බව ඒ මහතා වැඩිදුරටත් සඳහන් කළේය.


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka